Розділ «Записка Мужилівського»

Б. м. вел. государю і т. д. Богдан Хмелницкий гетман з асаулами, полковниками, сотниками и всею черню войска Запорозкого пры отданым чолобитным уклоне през Солуяна Андреєвича Мужиловского присланым козаком от войска Запорозкого при светейшом отцу кир. Паисию патріарси святаго града Иєрусалима, Сирии, Аравии, обон пол Иордана и всея Палестины мову собЂ от войска Запорозкого злеценую его царскому величеству обявляєм тыми словы.

[Война тая] которая се възчала межы козаками войска Запорозского з Лехами [не откуда инуды, одно] не могучы козаки войска Запороз-кого бЂд утрапе[ня и утисков от] Ляхов козаком выражоных терпЂти, на Запороже єго мсть [пан Богдан Хмелницкий] з никоторым товариством своим увошол был, и там Ляхи [чинячи на здоровє] єго млсти пана Богдана Хмелницкого розныє єму пакости [и товариству єго] выражали: в домах их маєтност(ь) всю побрали, жоны, дЂти [мучили, а на] остаток вЂру хрестиянскую православную мечом выкоре[няли. Ту] собЂ предсе взятую мысль Миколай Потоцкий гетман великий ко[ронный собра]вши войско квартяноє, мимо волю святоє памяти єго млсти короля [Владислава] до Черкас прибегнулъ. В Черкасах зобравши козаков реєстровых (войска Запорозкого) присегать перед собою, же єго не здрадят, казал. Которых, кгды при[сегнули, чолна]ми на Запороже, абы теперешнего пана Богдана Хмелницкого, – придавиш [им за старшого] Шемберка комисара, – поймали, выправил.

Гдь всемогущый змило[вал ся] над народом, яко некгды над людом своим израилским въ Єгипте в неволи будучыми, абы имя Бога живаго хвалено зоставало, – рувным способом и тепер Гдь всемогущый в Тройцы Светой єдиный, абы вЂра православная хрестиянская не упадала и овшем въ преподобных своих розшырала ся, межы тыми, которые присегали Потоцкому козаки Богъ всемогущый замысл их помешал. АбовЂм комысара и иншых пулковников межы собою сами здрайцов а прихилных Ляхом козаков позабияли.

Гетман зас(ь) Потоцкий сына своєго полем з выбраным людом килка тисяч на знесенє єго млсти пана Богдана Хмелницкого и войска єго послал. Тоє войско, котороє было з ком[ысаром до єго млти] пана Богдана Хмелницкого передавшы се, напротив сынови Потоцкого [пошли, к]оторого в диких полях осадили. Татарове учувшы о той войнЂ, з боку гледили, ко(то)рому нога послизнет ся. И кгды добывали сына Потоцкого в полю диком през три недели, за помочю Божыєю табор розорвали. Где Татарове видечы явную ласку Божыю, яко воин воинови помо(гли). Сына Потоцкого ранного поймали, на Запороже послали, где и умер. А сами з ордою знявшы се, каждый по собе своим кошем до табору Миколая Потоцкаго гетмана коронного, с которым быля гетманъ полний, каштелян черниговский, обозний коронний Казановский, пан Сенявский и инших панов не мало, тягнули.

Доведавшы се о знесеню сына своєго Потоцкий, и о том же пан Богдан Хмелницкий з войском немалым идет, гуршыє укрывженя народови хрестиянскому чынити казал: жоны и дети козацкиє стинано, маєтности ихъ в лупъ пущено, на остаток мисто Корсун украинноє з церквями спалили, церковныя апараты, сосуды, срибро побрали, полу-пили, агнъацы Божые, тЂло Христово на землю роскидали, священников постинали, позабияли, тую прычыну даючы, же од ваших Руси здрада вщынаєт с[я]. За которыє недобрые пост[упки] Потоцкого Богъ зкарал, а єго самого, воєводу черни[говского Калиновского и каштеляна чер[ниговского Одрыволского и иншых панов в неволю та[тарскую подал, а иншых под меч єго млти] пана Богдана Хмелницкого и войска єго пустил.

Кгды [тая война взчала ся на той сторо]не Днепра, княз Вишневецкий на сюй стороне [Днепра не толко в маєтностях своих], але и по чужих незносныє кривды хрести[яном чинил. Обавляючи ся войска Запо]розкого людей през Нижын з войском ку Черниго[ву шол, через Десну в Чернигове пере]вюз ся, у Лоеве че(ре)з Днипръ до Брагиня, з Бра[гиня под Чорнобиль через Припеть и] под Котелню пришол, табором стал, куда колвек и[шол кривду чинил. Єго млть] Богдан Хмелницкий гетман войска Запорозкого любо бы[л орду на пострах Ляхом] и Жидом за БЂлую Церков и за Паволоч пустил, єд[нак росписал до православных хрис]тиян листы, аби вЂдаючы орду вси до [мЂст збегали. Вишневецкий як] кривды чинил, горшыє чинити хрестияном не пер[естаєт, з шляхтою воєводства] киевского зносячи ся, противко козакам армує[т ся, Жыдов з собою берет], а хрестиян в мЂстах стинает. До Немирова з войск[ом своим шол и]там священников побравши на пал(ь) повбиял, людям многіє [кривды починил], позабиял, маєтности их побрал. Который плач хрестиян убо[гих и невинноє] розляне крови небеса проникали и до войска Запорозского донесло[сь]. Кривоноса послал полковника з пулком єго, Кгиру белоцерковского пулковника, обоє [єго] догнавши осадили, а сам з войском з арматою, не хотечы крови хрестиянскоє проливати, помалу тягнул под Паволоч.

В тум о смерти королевской довидало се войско Запорозкоє, под котороє безкоролевє Вишневецкий що хотил то робил, а посполство дочувши ся, же короля в земли немаш, в козацтво все обернуло се, так на сюй стороне я(к) и на туй Днепра. Панов своих, которые не повтекали, Ляхов, Жыдов, ксендзов позабияли, [костели] попустошили, замков, в которых Ляхи и Жиди позапирали се, подобывали [: по З]аднипровю по всей Вишневе(т)щине, и замки королевскиє – перший гомелский за[мок, другий стародуб]ский, третий новогородский, четвертый черниговский, лоєвский, [любецкий, брагинский, о]стрицкий, по части и литовским зостало се.

У во всих тых Ляхов [и Жидов поза-бияли, ск]арбы и достатки побрали. Которого вуйска зобрало се [по Заднепру] осмъдесят тисяч; полковник борзенский, полковник иченский, [полковник прилуцкий], полковник миргородский зо всим войском своим пошли за єго млтю [паном гетманом под Паволоч], а полкови нижынскому казал єго млть пан гетман пойти [под Кодак замок ляцкий], в котором гарматы было много и люду служивого пя(ть) [сот нЂмцов, и тыє] люде лядскиє выступили за пристем пулку нЂжинского.

А єго [млть пан гетман] з войском зкупивши ся за Кривоносом и за Гирею, которыє то [два полка замк]ов добываючы шли под Констентинов за Вишневецким – Кривонос [и Гиря под Констен]тиновом з Вишневецким зтершы ся, давали знать єго млсти пану гет[манови, абы до них поспЂ]шал. Которым на помоч полк чыгиринский послал, а сам на Скаржын[ском полЂ та]бором станул. З Скаржынского поля до Паплинец помкнув ся, з Па[плинец мен]е Солуяна Анъдриєвича Мужиловского на жаданє господара волос[кого листовно]є до светийшого отца патриярха иєрусалимского, придавшы мнЂ то[вариша Ми]хайла Крису послал; а сам до Пилявец мил был помкнути ся. Вишневец[кий] под Констентиновом стершы ся с тыми пулками, возы свои выправившы пе[ред со]бою уте(кл)о под Глиняны недалеко Львова, где войско лядское збирало се, кото[рого бы]ло сто двадца(ть) тисяч, и с тым войском знявшы се под Пилявци до табору козац[кого] з арматою, сто дЂлъ маючими пришли. Несподеваная орда билогородская [при]шла, и Гдь всемогущый знести Ляхов козаком помо(гл): одних под Пилявцами в ре[цЂ] потопили, других в Костантинове побили и потопили, а за третими гнали. [И] в том Тугай бей с царем кримским и, братом єго, с которымъ люду было булши ниж[ли с]то тисяч пришли. А тую орду белогородскую з добычю до домов их одправило [в]ойско Запорозкоє, а с царем татарским ишли аж подо Л[ь]вов, з под которого Татарове [р]оспустили свои загоны под Краков, под Люблин и аж за Вислою были. Л(ь)вовъ мЂсто поддалось, Жыды и Ляхи окупили се. Той скарб Татаром отдали, [а с]ам єго млть пан гетман до Замостя пошол, где Ляхов было не мало замкнуло [ся], которыє видячи свой упадок также окупили ся.

[Л]яхи чи згодне чы не згодне обрали собЂ короля Казимера, который некоронований писал лист до єго млти пана гетмана и до всего войска Запорозского просечы Богом [живым], абы уже болшъ не воєвали, обезуючы се быти руским [королем и що през ша]блю узяли, абы тоє моцно держали, обецуючы, що [тоє конечне потве]рдить. И так до масленых запуст примирили, а по [маслених запустах з н]ову воєва[ть], кгды не будет Казимер королем руским, [хочет войско Запороз]коє.

Любо Татаров спотребу свою на помоч собЂ [маєт войско Запорозкоє], и самих зо триста тысячей єс(ть), бо воєводство києв[скоє все, воєводство чер]ниговскоє, воєводство браславскоє, воєводство подолскоє, воєводство волынскоє и в князтве Литовском в пове[те мозырском коза]ков много, єднак вашого царского величества яко пра[вославного царя и христо]любивого о помоч так през войско донскоє яко и през ин[шые служивыє люди прет]ивко Лит†пилне през пресветийшого отца патриярху [яко и через ме]не усердно молят. Не повЂрил се тоєй тайны листу [єго млть п. гетман], но повЂрил светителеви и мнЂ вашему царскому величеству [о том дЂлЂ] чолом би(ти), певным будучи и маючи в Богу надию, [що ваше величе]ство яко цар православный всея Русии благодаречы [Бога в ТройцЂ свет]ой єдиного, же вЂра хрестиянская православная мн[ожит ся, з росширеня] оной и звитезтва, которым войско Запорозкоє Бог о[бдаровал тишытись] рачыш, и абы тая ж вЂра хрестиянская множила ся и хвала [Божая квитну]ла и церкви хрестиянскиє одновляли ся, здоровою радою [зносячи ся] з войском Запорозким през послы свои, помочю ратними людми в[аше царскоє ве]личество схочеш быти. За що от Гда в Тройцы Светой Єдиного г[ойную и стокро]тную заплату в небе одержати рачыш, а на сем свЂте от во[йска Запорозко]го вЂрноє услуженє в дЂле рыцерском за повелениєм ваш[ого царского] величества и розширенє царства вашого царского величества х[рестиянского за вЂку] своєго догледити ся рачыш. Чого мы вси хрестиян[е усердно желаєм, абы] геретикы и неприятели вЂры православной хре[стиянской были] покорены под нози вашего царского величества и гроб б[ожий за самодержав]ства вашого царского величества з руки турецкой з патрия[рхами свобо]женый был, Ха Бга молим.

О отправу прудкую и о вЂдомост певную чого се войско З[апорозкоє от вашего] царского величества сподевати се маєт, вашему царско[му величеству] низко челом бью.

Вітаємо, ви успішно прочитали книгу!